Ацяпляльны сезон з 16 красавіка завяршыўся ў Бабруйску

З 16 красавіка ацяпляльны сезон завяршыўся для ўсіх катэгорый спажыўцоў цеплавой энергіі Бабруйска.

Сярэднясутачная тэмпература дасягнула паказчыкаў, якія рэкамендуюцца нарматыўнымі дакументамі для заканчэння ацяпляльнага сезона. У сувязі з гэтым было прынята рашэнне аб завяршэнні ацяпляльнага сезона 16 красавіка.

Ацяпляльны сезон у горадзе стартаваў 7 кастрычніка ў сацыяльных аб'ектах. У жылфондзе - 10 кастрычніка. Цеплакрыніцы пераводзяць на летні рэжым работы.