За росквіт роднай краіны. Станіслаў Румянцаў прагаласаваў за свайго кандыдата

Датэрміновае галасаванне не збаўляе абаротаў. 22 студзеня Ганаровы грамадзянін Бабруйска, генерал-лейтэнант у адстаўцы, у мінулым - камандуючы 5-й гвардзейскай танкавай арміяй Станіслаў Румянцаў прыбыў на выбарчы ўчастак №29, размешчаны ў СШ №26.

- Галоўнае - зрабіць правільны выбар. Я гляджу па тэлевізары, у горадзе бачу - моладзь ідзе галасаваць. Значыць, маладыя людзі разумеюць усю важнасць гэтай палітычнай падзеі. Трэба выбраць чалавека, які мае вялікі вопыт і міжнародны аўтарытэт, - падзяліўся Станіслаў Сцяпанавіч.

Датэрмінова аддаць свой голас можна да 25 студзеня ўключна. Асноўны дзень выбараў - 26 студзеня.

Па матэрыялах БЖ