Карпенка: да 15 студзеня кожны выбаршчык атрымае запрашэнне на выбары

Да 15 студзеня кожны выбаршчык атрымае запрашэнне на выбары, заявіў журналістам старшыня ЦВК Ігар Карпенка.

«Інфармацыя аб размяшчэнні ўчасткаў для галасавання з пазначэннем іх меж, а таксама месцы знаходжання ўчастковых камісій размешчана на сайтах адпаведных выканаўчых камітэтаў у раздзеле «Выбары Прэзідэнта Рэспублікі Беларусь 26 студзеня 2025 г.». Акрамя таго, на сайце Цэнтральнай камісіі з 30 снежня 2024 года пачаў сваю работу сэрвіс па пошуку ўчасткаў для галасавання, дзе можна зручным і хуткім спосабам знайсці свой участак для галасавання і даныя аб участковай камісіі (адрас, тэлефон)», - адзначыў кіраўнік ЦВК.

• Карпенка: кампанія па выбарах Прэзідэнта праходзіць у планавым рэжыме, сігналаў аб пазаштатных сітуацыях не паступала

• Карпенка: выбары мы праводзім для сваёй краіны і свайго народа

• Карпенка: на выбарах Прэзідэнта Беларусі ўжо акрэдытаваны 362 міжнародныя наглядальнікі

«Да 15 студзеня кожны выбаршчык павінен атрымаць запрашэнне на выбары, у якім будуць пазначаны адрас участка для галасавання і нумар тэлефона, а таксама лістоўку з біяграфічнымі данымі кандыдатаў. Звесткі аб кандыдатах таксама размешчаны на сайце ЦВК», - сказаў Ігар Карпенка.

Выбары Прэзідэнта Беларусі назначаны на 26 студзеня.

Фота Таццяны Матусевіч

БЕЛТА