Переводчик
Чарговы тыднёвы цыкл падрыхтоўкі «чырвона-чорных» да чарговага сезона завяршыўся спарынгам з ФК «Гомель». Матч праходзіў у футбольным манежы Гомеля.
Склад бабруйчан, як адзначыў галоўны трэнер каманды Ігар Трухаў, працягвае камплектавацца. На гэты раз зрабіць уражанне на трэнерскі штаб спрабавалі адразу трое чалавек на праглядзе ў стартавым складзе. Іх кампанію дапоўнілі Уладзіслаў Дрозд, Уладзіслаў Салановіч, Аляксей Матлах, Вадзім Бальбух, Мікіта Сакалоўскі, Павел Селязнёў, Юрый Казлоў і Дзмітрый Дзенісенка.
У абодвух таймах «шыннікам» не ўдалося засмуціць брамніка «Гомеля», аднак па змесце гульні было ўжо бачна, што хлопцы пакрысе набіраюць форму і тонус. Гаспадары ж у другім тайме «распячаталі» вароты Уладзіслава Дразда.
- Прайграваць заўсёды непрыемна, у любой гульні выходзім перамагаць, як, зрэшты, і любая іншая каманда, - адзначыў пасля сустрэчы галоўны трэнер ФК «Белшына» Ігар Трухаў. - Якасць сённяшняй гульні парадавала трэнерскі штаб. Тыя напрацоўкі, якія мы на тыдні трэніравалі, рабяты сёння ўвасобілі. Гэта не можа не радаваць. Адзінае, чаго нам не хапіла, - рэалізацыі момантаў, якія стварылі. Адсюль паражэнне і прыйшло. Тым не менш у распранальні пасля матча падзякаваў рабятам за гульню. Адзначыў, што мы рухаемся ў правільным напрамку.
У бліжэйшую суботу, 22 лютага, у рамках падрыхтоўкі да маючага адбыцца сезона ФК «Белшына» правядзе чарговы таварыскі матч. На гэты раз з ФК «Слуцк». Спарынг пройдзе на стадыёне УА «Слуцкі дзяржаўны каледж». Пачатак сустрэчы - 12.00.
Па выніках мінулага сезона ФК «Слуцк» размяшчаўся на 9-м радку турнірнай табліцы чэмпіянату краіны па футболе сярод каманд Вышэйшай лігі.
Аляксандр Анташкевіч, фота аўтара