Переводчик
За перыяд з 18 па 25 лістапада ў Бабруйску адбыліся два пажары, без гібелі. Таксама за мінулы тыдзень падраздзяленнямі Бабруйскага гаррайаддзела па надзвычайных сітуацыях было здзейснена 11 выездаў на гарэнне смецця і падгаранне ежы, 32 - на спрацоўку сігналізацыі, 11 - на аказанне тэхнічнай дапамогі арганізацыям і насельніцтву.
З пачатку года ў Бабруйску адбылося 90 пажараў. Загінула 7 чалавек. Выратавана (эвакуіравана) 24 чалавекі. У Магілёўскай вобласці з пачатку 2024 года адбылося 743 пажары, загінула 55 чалавек, у тым ліку 2 дзіцяці. З пачатку 2024 года ў Рэспубліцы Беларусь адбылося 5598 пажараў, загінулi 472 чалавекі, у тым ліку 10 дзяцей.
Беражыце сябе і сваю маёмасць!
У ацяпляльны перыяд асаблiвую ўвагу удзяліце цеплагенерыруючым апаратам і агрэгатам.
Будзьце асцярожныя з курэннем. Ніколі не паліце ў ложку. Не выкідвайце непатушаныя цыгарэты з вокнаў, у смеццеправоды.
Не пакідайце малалетніх дзяцей без нагляду!
Выключайце электрапрыборы з сеткі, калi выходзiце з дамоў. Растлумачце дзіцяці пра небяспеку электрычнасці.
Усталюйце ў жылых пакоях аўтаномныя пажарныя апавяшчальнікі.
Тэлефон МНС -112.
Сектар прапаганды
і ўзаемадзеяння з грамадскасцю
Бабруйскага гаррайаддзела па надзвычайных сітуацыях