3 Студзень 2025

Пераможцаў конкурсу «Маладая сям'я - будучыня горада» ўзнагародзілі ў Бабруйску. Мерапрыемства праводзіцца ўжо не першы раз. Яго галоўная мэта - павышэнне каштоўнасці інстытута сям'і і сямейных адносін у маладзёжнай аўдыторыі.

Цырымонія адбылася ў адміністрацыі Першамайскага раёна. Адзначыць самыя таленавітыя сем'і прыйшлі першы намеснік кіраўніка адміністрацыі Першамайскага раёна Міхаіл Шырокі і першы сакратар Першамайскага раённага камітэта ГА «БРСМ» Алена Еўладава.

- Вельмі прыемна, што ў нас у горадзе ёсць такія таленавітыя сем'і. Можна смела казаць, што за такімі людзьмі будучыня. А адміністрацыя заўсёды падтрымлівае падобныя ініцыятывы, - сказаў Міхаіл Шырокі.

Пяць сем'яў, пераадольваючы баязлівасць і сарамлівасць, пазмагаліся за тытул самай таленавітай, згуртаванай і артыстычнай. У рамках конкурсу ім трэба было прадэманстраваць свае ўменні і расказаць пра сямейныя традыцыі.

Рашэннем кампетэнтнага журы 1-е месца ў конкурсе заняла сям'я Зарэцкіх. 2-е месца забрала сям'я Новік. Замыкае тройку лідэраў сям'я Мядзведзевых.

Ва ўзнагароду маладыя пары атрымалі падзякі, цацкі і каштоўныя прызы, у тым ліку грашовыя.

Па матэрыялах БЖ

Поделиться