Бабруйск і Самарканд умацоўваюць партнёрства: на Форуме рэгіёнаў дзяржаў — удзельніц СНД падпісана пагадненне аб супрацоўніцтве

Старшыня камітэта эканомікі Магілёўскага аблвыканкама Аляксандр Варапаеў і старшыня Бабруйскага гарвыканкама Ігар Кісель прымаюць удзел у І Форуме рэгіёнаў дзяржаў - удзельніц СНД, які праходзіць у Ташкенце (Рэспубліка Узбекістан).

Сярод першых вынікаў форуму — падпісанне пагаднення аб супрацоўніцтве паміж Бабруйскам і Самаркандам. Гарады маюць намер выбудоўваць прамыя кантакты ў эканоміцы, турызме, культуры і іншых сферах.

Таксама ў праграме форуму запланавана выступленне старшыні камітэта эканомікі Магаблвыканкама Аляксандра Варапаева на панэльнай сесіі, прысвечанай сумесным адукацыйным праграмам, культурна-гуманітарнаму супрацоўніцтву і развіццю турызму як асновам паспяховага міжнароднага ўзаемадзеяння.

MogilevNEWS.by