Лукашэнка і Пуцін правялі тэлефонную размову

Прэзідэнты Беларусі і Расіі правялі сёння тэлефонную размову. Аб гэтым паведамілі ў прэс-службе беларускага лідэра.

Аляксандр Лукашэнка і Уладзімір Пуцін абмяняліся віншаваннямі з вялікім святам Хрышчэння Гасподняга. Прэзідэнт Расіі папрасіў перадаць найлепшыя пажаданні беларускаму народу, павіншаваць усіх праваслаўных беларусаў.

Абмеркавалі і актуальныя рабочыя пытанні двухбаковага ўзаемадзеяння. Інтэнсіўнасць беларуска-расійскага супрацоўніцтва ва ўсіх сферах, як падкрэслілі лідары, неабходна падтрымліваць.

Дамовіліся кіраўнікі дзяржаў і аб далейшых кантактах.

БЕЛТА