Бабруйскі гарадскі выканаўчы камітэт папярэджвае аб небяспецы набыцця прадуктаў харчавання ў месцах неўстаноўленага гандлю.

У адпаведнасці з заканадаўствам Рэспублікі Беларусь ЗАБАРОНЕНА РЭАЛІЗАЦЫЯ ФІЗІЧНЫМІ АСОБАМІ ТАВАРАЎ У ГРАМАДСКІХ МЕСЦАХ (НА ВУЛІЦАХ, У Т.Л. НА ПРЫПЫНКАХ ГРАМАДСКАГА ТРАНСПАРТУ, СТАДЫЁНАХ, СКВЕРАХ, ПАРКАХ, ГРАМАДСКІМ ТРАНСПАРЦЕ)

Падстава: п.п. 1.5 ¹ п. 1 Указа Прэзідэнта Рэспублікі Беларусь ад 16 мая 2014 г. № 222.

Рэалізацыя фізічнай асобай на вуліцах, у т.л. прыпынках грамадскага транспарту, стадыёнах, у скверах, парках, грамадскім транспарце тавараў, дазволеных да рэалізацыі на рынках, кірмашах (іншых устаноўленых месцах), прыводзіць да накладання штрафу ў памеры да трох базавых велічынь.

Падстава: частка 6 артыкула 13.11 Кодэкса Рэспублікі Беларусь аб адміністрацыйных правапарушэннях.

Рэалізацыя фізічнай асобай на вуліцах, у т.л. прыпынках грамадскага транспарту, стадыёнах, у скверах, парках, грамадскім транспарце тавараў, не дазволеных да рэалізацыі на рынках, кірмашах (іншых устаноўленых месцах), прыводзіць да накладання штрафу ў памеры ад пяці да пяцідзесяці базавых велічынь.

Падстава: частка 8 артыкула 13.11 Кодэкса Рэспублікі Беларусь аб адміністрацыйных правапарушэннях.

Загрувашчванне вуліц, плошчаў, двароў і іншых зямель агульнага карыстання прыводзіць да накладання штрафу ў памеры да 5 базавых велічынь у адпаведнасці з часткай 1 артыкула 22.10 Кодэкса Рэспублікі Беларусь аб адміністрацыйных правапарушэннях.

У прадаўцоў, якія прапануюць прадукцыю «з рук» адсутнічаюць:

  • неабходная інфармацыя аб паходжанні тавару, тэрмінах яго рэалізацыі, вытворцы, дакументы, якія пацвярджаюць якасць і бяспеку;

  • умовы для захавання тэмпературных умоў захоўвання прадукцыі;

  • умовы, якія перашкаджаюць забруджванню прадукцыі;

  • умовы захавання правілаў асабістай гігіены;

  • медыцынская даведка аб стане здароўя, якая пацвярджае адсутнасць інфекцыйных захворванняў.

Ужыванне ў ежу прадуктаў, набытых у месцах несанкцыянаванага гандлю, можа стаць прычынай узнікнення харчовых атручэнняў (у тым ліку батулізму), вострых кішачных інфекцый.

Памятайце, што якасць і бяспека прадукцыі, якая рэалізуецца ў гандлёвых аб'ектах, на рынках і ў іншых устаноўленых месцах, забяспечваецца адказнымі службовымі асобамі суб'ектаў гандлю, вытворцамі і пастаўшчыкамі тавараў.

Пры куплі няякасных прадуктаў у месцах несанкцыянаванага гандлю іх немагчыма абмяняць на якасны тавар, атрымаць кампенсацыю ў грашовым эквіваленце, а ў выпадку атручэння практычна немагчыма ўстанавіць прычынна-выніковую сувязь, бо практычна немагчыма ўстанавіць асобу, якая прадала тавар. Акрамя таго, законы, закліканыя абараняць спажыўца ў выпадку продажу яму няякаснага тавара, у такіх сітуацыях ужо не дзейнічаюць, бо спажывец сам свядома пайшоў на рызыку. 

Паважаныя жыхары горада Бабруйска!

Заклікаем Вас праявіць асцярожнасць, пільнасць і не набываць харчовыя прадукты ў неўстаноўленых месцах.

Не рызыкуйце сваім здароўем і блізкіх Вам людзей.

 

Гандаль у неўстаноўленых месцах

У мэтах спынення фактаў гандлю ў неўстаноўленых месцах рабочай групай Бабруйскага гарвыканкама за 2024 год праведзена 101 рэйдавае мерапрыемства, з іх 3 мерапрыемствы з удзелам сродкаў масавай інфармацыі.

Па выніках гэтых мерапрыемстваў у дачыненні да вінаватых асоб, якія ажыццяўляюць гандаль у неўстаноўленых месцах, складзена:

  • 5 пратаколаў аб адміністрацыйных правапарушэннях, прадугледжаных часткай 6 артыкула 13.11 КаАП Рэспублікі Беларусь,

  • 62 пастановы аб вызваленні ад адміністрацыйнай адказнасці за здзяйсненне адміністрацыйнай правіны з вынясеннем папярэджання, прадугледжанага часткай 6 артыкула 13.11 КаАП Рэспублікі Беларусь;

  • з 72 асобамі праведзена прафілактычная інфармацыйна-тлумачальная работа.

У мэтах спынення фактаў гандлю ў неўстаноўленых месцах на тэрыторыі горада ўстаноўлены відэакамеры РУП «Белтэлекам» для ўстанаўлення і фіксацыі асоб, якія пастаянна парушаюць заканадаўства.

Па выніках праводзімых мерапрыемстваў інспекцыяй МПЗ па г. Бабруйску арыштаваны і канфіскаваны тавар (акуляры для карэкцыі зроку, прадукты харчавання) на агульную суму 6708,00 рублёў і прыцягнуты да адміністрацыйнай адказнасці грамадзяне ў выглядзе штрафаў на агульную суму 640,00 рублёў з канфіскацыяй тавару на суму 5853,00 рублёў і 60,00 рублёў атрыманага даходу.

Пытанне гандлю ў неўстаноўленых месцах знаходзіцца на пастаянным кантролі Бабруйскага гарвыканкама.