5 May 2025

У Бабруйску пасля рэканструкцыі 3 мая ўрачыста адкрылі плошчу Перамогі. Цырымонія стала часткай праграмы святкавання 80-годдзя Перамогі савецкага народа ў Вялікай Айчыннай вайне.

У цэнтры - абноўлены мемарыял, дзе ўсталяваныя пліты з імёнамі вызваліцеляў нашага горада. У гэтым месцы пахаваны легендарны камандзір 9-га танкавага корпуса генерал-маёр Барыс Бахараў і яшчэ 5 воінаў-герояў - К.К. Вараб'ёў, Г.М. Лагачоў, Н.І. Барышаў, браты Аркадзь і Анатоль Прыбыльскія. Побач з помнікам "палае" Вечны агонь, выкананы з граніту. У падставы слова "Ніхто не забыты, нішто не забыта", сімвалічныя кампазіцыі ў выглядзе ордэнаў Чырвонай Зоркі, Айчыннай вайны.

У час мерапрыемства старшыня Бабруйскага гарвыканкама Ігар Кісель падкрэсліў, што агульная памяць аб ваенных падзеях - гэта даніна павагі мінуламу і моцная апора для мірнага і шчаслівага будучага беларускага народа і нашай краіны. З 80-годдзем Вялікай Перамогі бабруйчан і гасцей горада таксама павіншаваў мітрапаліт Мінскі і Заслаўскі Веніямін, Патрыяршы Экзарх усяе Беларусі. Пасля выступлення ён узнёс малітву за загінуўшых у гады вайны.

Фота Віктара Чабана і Аляксандра Анташкевіча, bobrlife.by